Frantsııada qazaq kınosynyń klassıkasyna aınalǵan týyndylar kórsetiledi

PARIJ. QazAqparat - Bıyl Frantsııada onlaın formatta ótetin Qazaqstan kınosynyń festıvali aıasynda qazaq kınosynyń klassıkasyna aınalǵan týyndylar kórsetiledi, dep habarlaıdy QazAqparat «Qazaqfılm» kınostýdııasyna silteme jasap.

Retrospektıva sheńberinde qazaq kınosynyń altyn qoryna engen 14 kınotýyndy festıvaldiń resmı saıtynda usynylady. Fılmder 2020 jyly 16 jeltoqsannan bastap 2021 jyldyń 4 qańtaryna deıin ashyq kórsetilimde bolady.

1938 jyly túsirilgen «Amangeldi» fılminen bastap 1994 jyly jaryqqa shyqqan «Kózimniń qarasy» kartınasyna deıingi barlyq fılm hronologııalyq retpen túpnusqa tilde (frantsýz tilinde sýbtıtrleri bar) kórsetiledi.

Frantsııadaǵy Qazaqstan kınosy klassıkasynyń retrospektıvasy 71-shi Kann kınofestıvalinde Altyn palma butaǵynyń ıesi, aktrısa Samal Eslıamovanyń qamqorlyǵymen ótedi. Festıvaldiń qurmetti prezıdenti – rejısser Sergeı Dvortsevoı.

Qazaqstandyq kınonyń Frantsýzdyq qaýymdastyǵy men Sh.Aımanov atyndaǵy «Qazaqfılm» kınostýdııasy jáne QR Mádenıet jáne sport mınıstrligimen birlesip uıymdastyrǵan is-shara Táýelsizdik kúnine oraılastyrylǵan.