Frantsııada karantın sharalary aıtarlyqtaı jeńildedi
Vaktsına sertıfıkaty men medıtsınalyq maska taǵý sharalary joıylady. Bul týraly beısenbide Frantsııa premer-mınıstri Jan Kasteks málim etti.
«Biz sanıtarlyq sharalardy jeńildetýdiń jańa fazasyna kiristik», - dedi ol frantsýz telekompanııasyna bergen suhbatynda.
Ótken aptada frantsýz úkimeti basqa da sanıtarlyq sharalardy kezeń-kezeńimen alyp tastaǵan bolatyn.
28 aqpanda jabyq ǵımarattarda maska taǵý tyıymynyń kúshi joıylyp, 2021 jyldyń 10 jeltoqsanynan beri jabyq turǵan túngi klýbtar 16 aqpannan bastap ashylady.
Elde koronavırýstyń besinshi tolqyny qańtar aıynyń sońynda órship, birneshe aptadan beri báseńsip keledi.
Qazirgi ýaqytta Frantsııada bir aptada aýrý juqtyrýdyń orta sany 58 myńnan az, bir apta buryn 70 myń bolǵan edi.
Premer-mınıstr J. Kasteks medıtsınalyq mekemelerde «sanıtarlyq ótkizý» saqtalatynyn atap ótti.
Budan bólek, medıtsına qyzmetkerleri úshin vaktsına salý mindetti bolyp qala bermek.
Qoǵamdyq kólikte, densaýlyq saqtaý uıymdarynda maska taǵýǵa bári mindetti.