Frantsııada Germanııa azamaty áıelin 12 jyl tutqynda ustap kelgen

PARIJ. QazAqparat – Frantsııada óz áıelin 12 jyl boıy tutqynda ustap kelgen Germanııa azamaty qamaýǵa alyndy, dep habarlaıdy QazAqparat BBS-ge silteme jasap.

Frantsııa polıtsııasy áıeldi erli-zaıypty turyp jatqan páterdiń jatyn bólmesinen tapty. Onyń shashy taqyrlanyp alynǵan. Jatyn bólmeniń esigi temir symdarmen jabylǵan. Áıel qashyp ketpeý úshin jasalǵan bolýy kerek.

Eli-zaıyptynyń úıi Germanııamen shekaraǵa jaqyn jerde ornalasqan. 53 jastaǵy áıel amalyn taýyp Germanııanyń polıtsııa bólimshesine habarlasqan, olar óz kezeginde frantsýzdyq áriptesterine jetkizgen.

Áıeldi taýyp, teksergennen keıin densaýlyǵy nashar ekeni anyqtaldy. Páterde áıelden basqa on shaqty mysyq bolǵan.

Frantsııa polıtsııasy áıeldiń denesinde qan nemese zorlyq-zombylyq belgileri bolmaǵanyn habarlady.

Onyń 55 jastaǵy kúıeýi adam urlaý jáne basqa da qylmystar jasady degen kúdikpen ustaldy. Dál qazirgi ýaqytta onyń jumyssyz ekeni belgili boldy. Buryn Germanııada ónerkásip salasynda jumys istegen.

Nemistiń Bild gazeti erli-zaıyptynyń kórshilerinen suhbat alǵan. Kúıeýi kórshilerine áıeli qaterli isikke shaldyqqanyn, sodan qınalyp aıǵaılaıtynyn aıtqan.