Frantsııada AES-tiń salqyndatylmaǵan sýyn ózenderge tógýge ruqsat berildi

NUR-SULTAN. QazAqparat – Parıjde atom stantsııalarynyń álemdik energetıkalyq daǵdarys jaǵdaıynda elektr energııasyn úzdiksiz óndirýdi jalǵastyrýy absolıýtti basymdyq bolyp sanalady, dep habarlaıdy QazAqparat Euronews-ke silteme jasap.

Eldiń ońtústik bóliginde ornalasqan bes AES-ke ekinshi aıǵa sozylǵan aptap ystyq pen qurǵaqshylyqqa baılanysty temperatýrasy normadan joǵary sýdy ózenderge tógýge ruqsat etildi.

Jergilikti Garonna ózenindegi sýdyń 28 gradýsqa deıin ysyǵanyn alǵa tartqan oksıtandyq Golfeshtegi tabıǵat qorǵaý qaýymdastyǵynyń músheleri buǵan alańdaýly.

«Temperatýrasy 30 gradýstan astam sý ózenge quıylǵanda, ondaǵy otteginiń mólsheri áldeqaıda tómendeıdi. Al, balyqtarǵa ottegi kerek, onsyz tirshilik ete almaıdy», - deıdi qorshaǵan ortany qorǵaýshy Jan-Lýı Dıýpen.

Ázirge AES-terge berilgen ruqsat merzimi 11 qyrkúıekke deıin sozylmaq. Frantsııa bıligi munyń sebebin jazda «beıbit atom» qýatyn paıdalanyp, gaz jáne ózge de energııa túrlerin ońaıǵa soqpaý qaýpi bar kúz ben qysqa saqtaý qajettigi týraly uıǵarymmen túsindiredi.

Sondaı-aq, eldiń ekologııa salasyna jaýapty mınıstrlik AES sýlary tógilip jatqan ózenderdegi flora men faýna jiti qadaǵalanatynyn aıtady.

Foto: ru.euronews.com