Frantsııa SІM basshysy Astana protsesine baǵa berdi
Olarǵa múmkinshilik berý barynsha ózekti boldy. Daǵdarysty sheshýdiń kelissózderden basqa joly joq. Reseıdiń Jańalyqtar agenttigi aqparatyna sáıkes, mundaı pikirdi Frantsııa Syrtqy ister mınıstri Jan-Mark Eıro bildirgen, dep habarlaıdy QazAqparat.
«Astana - bul kezeń. Biz olarǵa beıbit retteýge múmkinshilik berýge tıis edik. Bul shyndyq, biz barlyq oppozıtsııanyń basyn qosý qıyn ekendigin kórip otyrmyz. Degenmen, soǵysty toqtatý týraly qararǵa qol qoıýmen aıaqtalǵan Reseı, Túrkııa jáne Irannyń bastamasy bar. Olar soǵysty toqtatý rejimi úshin shartty júzege asyrý mindetin ózderine alyp otyr», - dedi ol Parıjde GFR-diń jańa SІM basshysy Zıgmar Gabrıelmen kezdesýinen keıin.
Ol taıaýda ǵana BUU Bas hatshysymen kelissózder júrgizgenin jáne onyń BUU óz tájirıbesimen jáne múmkinshiligimen soǵysty toqtatý rejimin saqtaýǵa baqylaý tetikterin júzege asyrýǵa daıyn ekendigin bildirgenin atap ótti.
«Kelesi qadam - BUU aıasynda qalyp otyr. Jenevada tez arada kelissózder ústeline oralý qajet. 8 aqpan datasy jaıynda qazirgi ýaqytta habarlandy. Biraq, áli kúnge deıin barlyǵy da kelissózder ústelinde bas qosýy úshin sharttary qalyptastyrylǵan joq», - dedi Eıro.
Sonymen qatar ol Sırııa janjalyn kelissózder arqyly, saıası jolmen sheshýden basqa múmkinshilik joq ekendigin basa aıtty.