Frantsııa prezıdenti zeınetaqy reformasy týraly zańǵa qol qoıdy

PARIJ. TASS – QazAqparat - Frantsııa prezıdenti Emmanýel Makron zeınetaqy reformasy týraly zańǵa qol qoıdy, qujat senbi kúni Frantsııa Respýblıkasynyń resmı gazetinde jarııalandy, dep habarlaıdy QazAqparat TASS-qa silteme jasap.

«Osylaısha, Áleýmettik qamsyzdandyrý kodeksine ózgeris engizildi (...) Birinshi bólimdegi «alpys eki» degen jeri «alpys tórt» degen sózben aýystyryldy», - delingen qujat mátininde.

Bul juma kúni Frantsııanyń Konstıtýtsııalyq keńesi zeınetaqy reformasyn ishinara zańdy dep tanyp, zeınetkerlikke shyǵýdyń eń tómengi jasyn 62-den 64 jasqa deıin kóterý týraly negizgi bapty maquldaǵannan keıin bolyp otyr.

Juma kúni respýblıkanyń Konstıtýtsııalyq keńesi zeınetaqy reformasynyń negizgi erejelerin maquldaǵannan keıin Frantsııanyń birqatar qalasynda narazylyq demonstratsııalary ótip, onyń sońy tártipsizdik pen polıtseılermen qaqtyǵysqa ulasty.