Frantsııa pandemııanyń jańa tolqynynyń aldyn alý úshin vaktsınatsııa qarqynyn kúsheıtedi

BRıÝSSELЬ. QazAqparat – Frantsııanyń Densaýlyq saqtaý mınıstri Olıve Verannyń aıtýynsha, respýblıkada koronavırýs pandemııasynyń jańa tolqyny bastalyp jatyr, dep habarlaıdy QazAqparat.

Olıve Veran Frantsııa radıosyna bergen suhbatynda shilde aıynan bastap elde vırýs juqtyrý oqıǵalarynyń sany qaıta ósip jatqanyn, biraq COVID-19 dıagnozy qoıylǵan patsıentterdi aýrýhanaǵa jatqyzý kórsetkishi ázirge tómendep otyrǵanyn málimdedi.

Frantsııa aýrý juqtyrý ósimin COVID-19 delta shtamynyń taralýymen baılanystyryp otyr.

«Eger osyndaı úrdis saqtalsa, bul aýrýhanaǵa jatqyzý kóleminiń ósimine ákeledi», - dep eskertti mınıstr Olıve Veran.

Frantsııa bıligi pandemııanyń jańa tolqynynyń jaqyndaýyn báseńdetip, qatań karantındi boldyrmas úshin turǵyndardy vaktsınalaýdy tezdetý qajet dep sanap otyr.

Búgin Frantsııa prezıdenti Emmanıýel Makron qorǵanys keńesiniń otyrysyn ótkizip, onda densaýlyq saqtaý salasy qyzmetkerlerin mindetti vaktsınalaý máselesi ortaǵa salynady.

10 shildede Frantsııada COVID-19 vırýsyn juqtyrýdyń 4696 jańa faktisi tirkelgen, bul bir apta buryn tirkelgen kórsetkishten (3006) bir jarym ese kóp.