Frantsııa quramasynyń qaqpashysy Ýgo Lorıs Manýel Noıerdiń jetistigin qaıtalady

ASTANA. QazAqparat – Qatarda fýtboldan ótip jatqan álem chempıonatynda Frantsııa quramasynyń kapıtany ári qaqpashysy Ýgo Lorıs óz komandasyn Marokkomen matchqa bastap shyqty, dep habarlaıdy QazAqparat tilshisi.

Bul Ý.Lorıstiń álem chempıonattaryndaǵy 19-ynshy oıyny edi.

Osylaısha, Lorıs Germanııa quramasynyń qaqpashysy Manýel Noıerdiń jetistigin qaıtalady. M.Noıer de dúnıejúzilik birinshilikte 19 match ótkizgen bolatyn.

Lorıs taǵy bir germanııalyq Zepp Maıer men brazılııalyq Klaýdıo Taffareldiń kórsetkishinen asyp tústi. Olardyń esebinde 18 básekeden bar.

2018 jyly álem chempıony atanǵan Ýgo Lorıs búgin Frantsııa quramasy sapynda 144-inshi ret alańǵa shyqty.

Eske sala keteıik, budan buryn Ýgo Lorıstiń óz eliniń rekordyn jańartqanyn, Argentına quramasynyń fınalǵa shyqqanyn jazǵan bolatynbyz.

Sondaı-aq Messı álem chempıonattarynda Argentına quramasynyń úzdik surmergeni atandy.

Úzdik oıynshy Messı álem chempıonattarynyń rekordyn ornatty.