Frantsııa Eýroodaqqa kirmeıtin elder úshin shekaralaryn jaýyp jatyr
Budan basqa, barlyq saýda ortalyqtary men iri dúkenderdiń jumysy toqtatylýda, qalǵandarynda ishte bir ýaqytta júre alatyn satyp alýshylardyń maksımaldy sanyna qaıta shekteý engizilip jatyr.
Parıjde statıstıkanyń nashar emes ekenin, biraq vırýstyń jańa shtammdarynyń taralýy alańdaýshylyq týdyrtyp otyrǵanyn aıtady. El mınıstrleriniń málimdemeleri boıynsha shekteý sharalary ázirge jańa lokdaýndy boldyrmaýǵa múmkindik beredi.
Buryn habarlanǵandaı, Eýropanyń birqatar elderinde koronavırýstyń taralýyna baılanysty shekaralar jabylyp jatyr.
Juma kúni Ulybrıtanııada úıdegi saýyq keshterine jınalǵany úshin jańa aıyppuldar salyna bastady. Endi úıde 15 adamnan kóp jınalǵany úshin 800 fýnt kóleminde aıyppul tólenedi. Bul rette tártip buzýshylyq qaıtalanǵan jaǵdaıda aıyppul kólemi de eki eselenedi.
Germanııada federaldyq úkimet elge Brazılııa, Ulybrıtanııa, Irlandııa, Portýgalııa jáne OAR-nan kirýge shekteý engizýge kelisti: bul memleketterde koronavırýstyń jańa shtammdary taralǵan. Berlın de statıstıkany buzǵysy kelmeıtinin málimdep otyr: qazirgi kezde elde aýrý juqtyrǵandardyń úlesi – bir mıllıon adamǵa shaqqanda 944 adam, bul qazan aıynan beri eń tómengi kórsetkish.
Norvegııada koroldikte turmaıtyndardyń barlyǵy úshin shekaralar jabylyp jatyr. Bul tizimge medıtsınalyq qyzmetkerler men taýar jetkizýshiler ǵana kirmeıdi. Buǵan deıin el astanasy Oslo qalasy men onyń mańyndaǵy birneshe aýdanda qatań karantın engizilgen.