Frantsııa elektrondy temekige tyıym salady

Frantsııa jaqyn arada bir rettik elektrondy temekige tyıym salady, dep habarlaıdy QazAqparat Le Monde basylymyna silteme jasap.

Frantsııa premer-mınıstri Elızabet Born RTL radıosynan sóz sóılep, elde bir rettik veıpke tyıym salý josparlanyp otyrǵanyn málim etti.

Onyń pikirinshe, elektrondy temeki jastardy zııan ádetke úıir etedi.

Born eldegi shylym shegýmen kúres jónindegi ulttyq jospar aıasynda engiziletin bul shekteý qashan kúshine enetinin naqtylaǵan joq.

Ol Frantsııa úkimeti jaqynda temekimen kúresýge arnalǵan jańa jospar usynatynyn málimdedi.

Bornnyń aıtýynsha, elde shylym shegý saldarynan jylyna 75 000 adam qaıtys bolady.

Bul josparda jastardy jaman ádetke beıim qylatyn bir rettik veıpterge tyıym salynbaq.

«Bul – refleks pen áreket, jastar soǵan tez beıimdelip ketedi. Shylym shegý osydan bastalady», - dep tolyqtyrdy ol.

Bir ret paıdalanǵannan keıin qoqysqa ketetin elektrondy temekiniń kóbinde qyzǵylt lımonad, marmelad nemese qarbyz syndy jastar jaqsy kóretin tátti jáne jemis-jıdek dámi bolady.

Veıptiń Frantsııadaǵy baǵasy ádette 8 eýro (8,7 AQSh dollary) men 12 eýro (13 AQSh dollary) shamasynda.

Qazir Frantsııada 18 jasqa tolmaǵan balalarǵa elektrondy temeki satýǵa tyıym salatyn zań bar, biraq ol saqtala bermeıdi.

Bul elde temekini nasıhattaý, tipti jarnama jasaýǵa da shekteý qoıylǵan.