Fotosholý: 2019 jyly Nursultan Nazarbaev qandaı sharalarǵa qatysty
Qazaqstan Respýblıkasynyń Tuńǵysh Prezıdenti kúnine oraı QazAqparat agenttigi 2019 jyly Elbasy qatysqan sharalarǵa sholý usynady.
2018 jyldyń qazan aıynda Qazaqstan halqyna Joldaýynda Elbasy 2019 jyldy Jastar jyly dep jarııalaýdy usynǵan bolatyn. Al 23 qańtarda Tuńǵysh Prezıdent «Táýelsizdik urpaqtary» atty jastar jylynyń saltanatty ashylý rásimine qatysty. Saltanatty sharada túrli salada jetistikke jetken belsendi jastardy tyńdap, «Jas kásipker», «Jas maman» baǵdarlamalary, jastarǵa arnalǵan baspana, aýyl jastary, jas ǵalymdar granty syndy mańyzdy bastamalardy kóterdi.
19 naýryzda Nursultan Nazarbaev otandyq telearnalar arqyly halyqqa úndeý arnap, prezıdenttik ókilettigin toqtatatynyn málimdedi. Sáıkesinshe, Qazaqstandy basqarýǵa naǵyz laıyqty azamat retinde sol kezdegi Parlament Senatynyń Tóraǵasy Qasym-Jomart Toqaevqa senim bildirdi.
20 naýryzda Respýblıka Prezıdenti ókilettigin ýaqytsha atqaratyn Qasym-Jomart Toqaevtyń Qazaqstan halqyna ant berý rásimi ótti. Saltanatty jıynda Qasym-Jomart Toqaev Nursultan Nazarbaevqa «Altyn juldyz» ordenin tapsyryp, «Halyq qaharmany» ataǵyn berdi. Sonymen birge, Tuńǵysh Prezıdentke monýment ornatýdy, Nazarbaev esimin oblystyq qalalardyń ortalyq kóshelerine berýdi jáne Astana qalasynyń ataýyn Nursultan dep ózgertýdi usyndy.
21 naýryzda EKSPO aýmaǵynda uıymdastyrylǵan Naýryz meıramyna Elbasy Nursultan Nazarbaev pen QR Prezıdenti qyzmetine kirisken Qasym-Jomart Toqaev birge qatysty. Tuńǵysh Prezıdent shańyraq kótergen elordalyq jastarǵa bata berip, eldegi tynyshtyqtyń saqtalýyn, árbir otbasynyń ósip-órkendeýin tiledi.
Sáýir aıynyń basynda Elbasy týǵan jeri Shamalǵanǵa bardy. Sapar barysynda Nursultan Nazarbaev QR Tuńǵysh Prezıdentiniń «Atameken» tarıhı-mádenı ortalyǵyn aralap, aýyldastarymen kezdesti. Sodan keıin Shamalǵan kentindegi dene shynyqtyrý jáne saýyqtyrý kesheniniń qurylysyn tekserdi. Buqaralyq sportty damytýǵa arnalǵan bul keshen qurylysy Elbasynyń tikeleı qoldaýymen jáne onyń jeke qarajatyna salynýda.
23 sáýirde «Nur Otan» partııasynyń XIX sezinde Elbasy Qasym-Jomart Toqaevty «Nur Otan» partııasynan QR Prezıdenttigine kandıdat retinde usyndy. «Nur Otan» partııasy Qasym-Jomart Toqaevtyń kandıdatýrasyn biraýyzdan qoldap, daýys berdi.
29 mamyrda QR Tuńǵysh Prezıdenti - Elbasy Nursultan Nazarbaevqa Joǵary Eýrazııalyq ekonomıkalyq keńestiń Qurmetti tóraǵasy ataǵy berildi.
9 maýsymda Qazaqstan Prezıdentin kezekten tys saılaýda Elbasy Nursultan Nazarbaev elordadaǵy Oqýshylar saraıynda ornalasqan №58 saılaý ýchaskesinde daýys berdi.
6 maýsymda QR Parlamenti Senatynda Tuńǵysh Prezıdent-Elbasy Nursultan Nazarbaevqa «Qurmetti Senator» tósbelgisi men kýáligi tabystaldy.
21 maýsymda Nursultan Nazarbaev Almatyda keleshek urpaqqa arnalǵan ýaqyt kapsýlasyn qalady. Bul kapsýla 30 jyldan keıin 2049 jyldyń 22 maýsymynda ashylýy tıis.
12 maýsymda Elbasy jańadan saılanǵan QR Prezıdenti Qasym-Jomart Toqaevty ulyqtaý rásimine qatysty.
21 tamyzda QR Tuńǵysh Prezıdentiniń tóraǵalyǵymen «Nur Otan» partııasy Saıası keńesiniń keńeıtilgen otyrysy ótti. Onda Elbasy JOO-daǵy paraqorlyq, sheneýnikterdiń ashyq bolmaýy, BAQ-qa qysym kórsetý syndy ózekti máselelerdi kóterdi.
29 tamyzda «ıAdrolyq qarýsyz álem jáne jahandyq qaýipsizdik úshin Nazarbaev syılyǵynyń» ıegerlerin marapattady. Atalǵan syılyq Elbasynyń 2016 jylǵy sáýirde Vashıngtondaǵy ıAdrolyq qaýipsizdik sammıti barysynda jarııalanǵan «Álem. XXI ǵasyr» manıfesi ıdeıalaryna oraı bekitilgen.
7 qyrkúıekte Elbasy jumys saparymen Reseıge baryp, Máskeýdegi qala kúni merekesine arnalǵan merekelik kontsertke qatysty.
24 qyrkúıekte Eýrazııa elderi parlamentteri tóraǵalarynyń IV keńesinde Nursultan Nazarbaev elimizdiń Táýelsizdik jyldaryndaǵy jetistikteri, jańa álipbı, halyqaralyq qujattar jáne beıbitshilik týraly áńgimeledi.
15 qazanda Túrkitildes memleketter yntymaqtastyq keńesiniń májilisinde QR Tuńǵysh Prezıdenti – Elbasy Nursultan Nazarbaev Túrki áleminiń Joǵary Ordenimen marapattaldy.
Sol kúni Elbasy Túrki Keńesi VII Sammıtiniń delegatsııa basshylarymen keshki asqa qatysty.
22 qazan kúni Nursultan Nazarbaev Japonııa ımperatory Narýhıtonyń taqqa otyrýyna arnalǵan resmı sharaǵa qatysty. Elbasyn saltanatty rásimge Japonııa Premer-Mınıstri Sındzo Abe arnaıy shaqyrǵan bolatyn.
Japonııa saparynda Nursultan Nazarbaevqa Tsýkýba ýnıversıtetiniń qurmetti doktory ataǵy berildi.
Al 24 qazanda QR Tuńǵysh Prezıdenti Qazaqstanǵa kelgen tanymal tennısshiler Rafael Nadalmen jáne Novak Djokovıchpen kezdesti. Sportshylar Tuńǵysh Nursultan Nazarbaevqa avtograf qoıylǵan jeıde syılady.
25 qazanda Nursultan Nazarbaev Belarýs Respýblıkasynyń Prezıdenti Aleksandr Lýkashenkomen kezdesti.
22. Qarashanyń basynda Elbasy Nursultan Nazarbaev Túrkistan oblysyna jumys saparymen baryp, jańarǵan Túrkistandy aralady.
25 qarashada Nursultan Nazarbaev «Nur Otan» partııasy oblystyq fılıaldarynyń ókilderimen kezdesti. Kezdesý barysynda Elbasy belsendi múshelerdi «Nur Otan» partııasynyń damýyna qosqan úlesi úshin «Belsendi qyzmeti úshin» medalimen marapattady.