Fotoreportaj: Almaty «Dúnıejúzindegi qolóner qalalary» tizimine enýi múmkin

<p>ALMATY. KAZINFORM &ndash; Dúnıejúzilik qolóner keńesi Almaty qalasyn &laquo;Dúnıejúzindegi qolóner qalalarynyń&raquo; tizimine qosý máselesin qarastyryp jatyr. Osy oraıda, QR Ortalyq memlekettik mýzeıinde Qazaqstan qolónershiler odaǵy men Almaty qolóner palatasynyń bastamasymen &laquo;Almaty - Dúnıejúzilik qolóner qalasy&raquo; kórme-jármeńkesi uıymdastyryldy.</p>

Álem boıynsha ártúrli qalalarda qolóner kórmelerin uıymdastyryp, «Dúnıejúzindegi qolóner qalalarynyń» tizimin jasaýdy 2014 jyly Dúnıejúzilik qolóner keńesi qolǵa alǵan. Sol ýaqyttan beri tizimge 67 qala qosylǵan. Olardyń 11-i Ońtústik Amerıkada, 47-si Azııa-Tynyq muhıty aımaǵynda, al 7-i Eýropada ornalasqan. Bul týraly Dúnıejúzilik qolóner keńesiniń prezıdenti Saad Bal Ál-Kaddýmı aıtty.

Foto: Dosbol Atajan / Kazinform

- Men Qazaqstanǵa birinshi ret kelip turǵan joqpyn. Buǵan deıin «Dúnıejúzindegi qolóner qalalarynyń» tizimine qosylǵan Taraz qalasynda bolǵanmyn. Qazaqstanda qolóner salasy jaqsy damyp kele jatyr. Almatynyń qolónershiler qalasy retinde ótinish berýi bizdiń 60 jyldyq mereıtoıymyzben tuspa tus kelip tur. Sondyqtan Almaty bul tizimge enedi dep oılaımyn. Qalanyń osy sala boıynsha áleýeti joǵary, - dedi Dúnıejúzilik qolóner keńesiniń prezıdenti.

Foto: Dosbol Atajan / Kazinform

Al Almaty qalasy Týrızm basqarmasynyń basshysy Ǵalııa Toqseıitova qolóner salasy týrızmniń damýyna tikeleı áser etetinin atap ótti.

Foto: Dosbol Atajan / Kazinform

- Almatyda 250-den astam qolóner sheberi bar. Olardyń qataryna zergerlik ónerden bastap, bylǵary óńdeý, quraq jasaý, aǵash oıý jáne ózge de qolóner túrleri kiredi. Aıta ketken jón, qolóner salasy týrızmmen ózara tyǵyz baılanǵan. Qalamyzǵa kelgen týrıster qolóner buıymdarynyń ártúrliligin jıi atap ótedi, - dedi Ǵalııa Toqseıitova.

Foto: Dosbol Atajan / Kazinform

Dúnıejúzilik qolóner keńesiniń Azııa-Tynyq muhıty óńiri boıynsha prezıdenti Ázız Murtazaev Almaty jyl sońynda uıymǵa qosylýy múmkin ekenin aıtty.

Foto: Dosbol Atajan / Kazinform

- Almaty bir jyldam astam ýaqyt daıyndalyp, bıyl maýsym aıynda «Dúnıejúzindegi qolóner qalalarynyń» qataryna qosylýǵa ótinish berdi. Bul ótinish aldaǵy ýaqytta qaralyp, jyl sońynda deıin Almaty osy mártebege ıe bolady dep úmittenemin. Biraq bul mártebe qalanyń ózine ne beredi deıtin bolsaq, Almaty óziniń mádenı ári tarıhı murasyn saqtaı alǵanyn jáne qolóner salasy jaqsy damyǵanyn álem aldynda dáleldeıdi. Sondaı-aq «Dúnıejúzindegi qolóner qalalarynyń» qataryna qosylý týrızmniń damýyna da oń áser etedi, - dedi Ázız Murtazaev.

Foto: Dosbol Atajan / Kazinform

Eske salaıyq, buǵan deıin Almatyda qansha qonaq úı bar ekenin jazǵanbyz. 

Foto: Dosbol Atajan / Kazinform