Fotograf jas jubaılardy qoqys ortasynda fotoǵa túsirý arqyly ekomádenıetti qalyptastyrýǵa shaqyrdy

AQTAÝ. QazAqparat - Mańǵystaýlyq fotograf Nurken Salıev qoqys ortasynda toı kıimin kıgen jastardy sýretke túsirgen. Osylaısha ol qoqysqa toly qoǵamda toıdyń qalaı ótetinin kórsetýge tyrysqan, dep habarlaıdy QazAqparat tilshisi.

Ideıa avtory - aǵaıyndy Nurbol Salı men Nurken Salıev.

Aıtýynsha, adamdar plastıkalyq qaptamany qysqartyp, qaıta óńdeýdi oılamasa, 2050 jyly ómirimiz, tipti toıymyz da qoqys ortasynda ótedi.

«Qazirgi tańda ekologııalyq problema tek bir aýyl, qala, elde emes, tutas jer ǵalamsharyndaǵy óte ózekti másele. Jahandyq damý bárimizge PET ydystar, polıetılen pakettter sekildi ómirimizdi jeńildetetin zattardy qoldanýǵa múmkindik berdi. Alaıda taıaqtyń ekinshi ushy ózimizge tıip jatyr. Sondyqtan aınalany tazalap, ózimizden qalǵan qoqystardy jınaýymyz qajet. Ekomádenıetti qalyptastyrý - úkimettiń ǵana jumysy emes, bárimizge ortaq is», - deıdi fotograf Nurbol Salı.

Aıta ketsek, Nurken Salıev mamandyǵy boıynsha ekolog, Qazaqstandaǵy ekologııa departamentinde jumys istegen, qazir ekokásipker retinde qaldyqtardy jınap, suryptaıdy.

Al Nurbol Salıev - kásibı fotograf.

Aǵaıyndylar osy fotosessııa kópti jahandyq qaldyqtar máselesi jaıynda oılandyrady dep úmittenedi.