Fortune 2016 jyldyń aıaǵyna qaraı oryn alatyn munaı baǵasyn boljady

ASTANA. QazAqparat - Amerıkalyq Fortune basylymy 2016 jyldyń aıaǵynda munaıǵa álemdik baǵanyń boljamyn jarııalady, «Qara altyn» quny bir jyldan keıin burynǵy kórsetkishterge qaıta kelýi yqtımal, dep habarlady RIA Novostı.

Fortune redaktsııasynyń derekterine súıensek, 2015 jylǵy qarashanyń ortasymen salystyrǵanda, munaıdyń barreline baǵa shamamen 20 paıyzǵa ósedi. «Amerıkalyq tutynýshylardyń joǵary suranysy men Qytaıda baıaýlaǵan, biraq qalaı bolǵanda da suranystyń artyp kele jatqanyna qaraǵanda, baǵa 2016 jyldyń aıaǵyna qaraı barreline 55 dollarǵa kóterilýi múmkin», - dep atap ótedi basylym. Alaıda energetıkalyq sektorda kóptegen kompanııalar úshin bul jetkiliksiz - munaı óndirýshilerdiń tolyqqandy jumys isteýi úshin ońtaıly baǵa barreline 60 dollardan bastalady, dep atap ótiledi maqalada.