«ForteBank» basshysy aýysty

ALMATY. QazAqparat - Qazkommertsbank basqarmasynyń burynǵy basshysy Maǵjan Áýezov «ForteBank» AQ-ny basqardy, dep habarlady qarjy ınstıtýtynyń baspasóz qyzmetine silteme jasap «QazAqparat» HAA tilshisi.

 «ForteBank» dırektorlar keńesi búgin bank basqarmasy quramyndaǵy ózgerister týraly sheshimdi qabyldady. 2015 jylǵy 28 jeltoqsannan bastap bank basqarmasynyń tóraǵasy laýazymyn atqarǵan Talǵat Qýanyshevtiń ókilettigi 2016 jylǵy 20 jeltoqsannan bastap toqtatyldy. Basqarmanyń jańa tóraǵasy bolyp taıaýda dırektorlar keńesiniń quramyna kirgen Maǵjan Áýezov taǵaıyndaldy.

Sondaı-aq bank basqarmasy tóraǵasynyń birinshi orynbasarlyǵyna   Gýrama Andronıkashvılıdi taǵaıyndaý týraly sheshim qabyldandy. Al basqarma tóraǵasynyń orynbasary bolǵan Sholpan Nurymbetova basqarma quramynan shyqty.

2016 jylǵy 21 jeltoqsannan bastap Sh. Nurymbetova basqarma tóraıymy retinde AO «Bank Kassa Nova» AQ-ǵa jetekshilik etedi. Sonymen qatar, Maǵjan Áýezov Kassa Nova banki dırektorlar keńesin  basqarady.