Forte Kulanshi ArtSpace galereıasy: Elordada «Muǵalim men oqýshy» ekspozıtsııasy ashylady

NUR-SULTAN. QazAqparat - Elordada Forte Kulanshi ArtSpace galereıasy barlyq kelýshilerine esigin aıqara ashady. «Muǵalim jáne oqýshy» ekspozıtsııasy beıneleý ónerindegi urpaq sabaqtastyǵyn kórsetýge arnalǵan, dep habarlaıdy QazAqparat.

Biz kelýshilerdi óner álemine engizip, olardy ár elden kelgen sheberlerdiń jumystarymen tanystyrýǵa tyrysamyz. Jańa kórme bizdiń ómirimizdiń basty protsesteriniń birine arnalǵan - búgin biz muǵalimderdiń ár adamdy tárbıeleý men damytý úderisindegi róli týraly aıtamyz. Bank retinde biz bárimiz úshin qıyn karantındik ýaqytta ónerge qoldaý kórsete alǵandyǵymyzǵa, óner keńistiginde jumys isteı alatynymyzǵa óte qýanyshtymyn», - dep atap ótti ForteBank basqarma tóraǵasy Gýram Andronıkashvılı.

Búgingi býyn arasynda tájirıbe almasýdan basqa, kóptegen týyndylardyń leıtmotıvi - otbasyndaǵy beıbitshilik pen tynyshtyqty saqtaý ıdeıasy, sondyqtan týyndylardyń taqyryptary otbasylyq kórinisterdi, qala men aýyldyń kúndelikti ómirin, týystary men dostarynyń portretterin beıneleıdi.

Kórmeniń kýratory, doktor Leıla Mahat atap ótkendeı, usynylǵan jumystardyń barlyǵy derlik karantın kezeńinde jasalǵan jáne olar ekspozıtsııaǵa konkýrstyq negizde tańdalǵan.

«Bul biz úshin erekshe joba boldy, mundaı kórme Qazaqstanda buryn-sońdy bolǵan emes. Avtorlardyń quramyna 15 sýretshi-muǵalim jáne 20 stýdent kiredi. Іrikteý kezeńinde biz jas avtorlarǵa senim arttyq jáne bul protsestiń ózi óte qarqyndy ótti. Stýdentterden, oqytýshylardan, túlekterden júzdegen ótinishter kelip tústi. Sonymen, ekspozıtsııanyń eń jas avtorlary, 15-16 jastaǵy kolledj stýdentteri Bul rette týyndylardyń negizgi úlesi shyǵarmashylyq sıpatqa ıe jáne oqý baǵdarlamasynyń bóligi bolyp tabylmaıdy, bul baǵdarlamada málimdelgen árbir avtordyń óz oıyn tolyq bildirý erkindigin aıqyndady», - dep bólisti Leıla Mahat.

QazUÓÝ-diń óner fakýltetiniń dekany Ǵaını Muhtarova kórmege qatysýshylardyń arasynda respýblıkalyq jáne halyqaralyq platformalarda burynnan tanylǵan talanttardyń bar ekendigine nazar aýdardy: olardyń arasynda «Daryn» jastar syılyǵynyń ıegerleri, Nursultan Nazarbaev qorynyń laýreattary bar.

«Muǵalim men oqýshy» kórmesi 21 naýryzǵa deıin jalǵasady. Týrlar arnaıy formatta, barlyq epıdemıologııalyq standarttarǵa sáıkes, úsh tilde ótkiziledi. Kulanshi ArtSpace

saıtynda kórsetilgen nómirler arqyly jazylýǵa bolady.