Fors-major jaǵdaılarda monopolıstik qyzmetke shekteýdi Báskelestikti qorǵaý agenttigi engizedi – Úkimet

ASTANA. QazAqparat – Básekelestikti qorǵaý jáne damytý agenttigine fors-major kezeńderde monopolıstik qyzmetke shekteý qoıý quzyreti berilmek, dep habarlaıdy QazAqparat tilshisi.

«Agenttik básekelestikti qorǵaý jáne monopolıstik qyzmetti shekteý sheńberinde tabıǵı monopolııalar jáne kvazımemlekettik sektor sýbektileri kórsetetin mindetti qyzmetter tizbesin bekitedi», - delingen «Ashyq» NQA portalynda jarııalanǵan qujatta.

Úkimet qaýlysyna berilgen túsindirmege saı, agenttikke mundaı fýnktsııa fors-major jaǵdaılarda jedel sheshim qabyldaý úshin berilip otyr.

«Memlekettik apparattyń qyzmetin bıýrokratııadan aryltý jónindegi sharalar týraly» QR Prezıdentiniń 2022 jylǵy 13 sáýirdegi Jarlyǵynyń 2-tarmaǵyna sáıkes, QR Úkimeti ózekti syn-qaterlerge, fors-majorlyq mán-jaılarǵa jáne daǵdarystyq jaǵdaılarǵa jedel den qoıý úshin normatıvtik-quqyqtyq aktilerdi qabyldaý quqyǵyn memlekettik organdarǵa berýdi, sondaı-aq memlekettik tirkeýsiz qabyldaýdyń erekshe tártibin engizý tapsyryldy. Osyǵan baılanysty kórsetilgen tizbeni bekitý jónindegi quzyretti QR Básekelestikti qorǵaý jáne damytý agenttigine bekitý usynylady», - dep jazylǵan Úkimet qaýlysyna qosymsha berilgen túsindirmede.

Qujat 3 mamyrǵa deıin kópshilik talqylaýda bolady.