Forbes tizimindegi 2 kásipker sý tasqynynan zardap shekkenderge qomaqty qarajat aýdardy

<p>ASTANA. KAZINFORM - &laquo;Qazaqstan halqyna&raquo; qorynyń sý tasqynynan zardap shekkenderge qomaqty qarajat aýdarǵandar tizimi taǵy eki bıznesmenmen tolyqty. Olar: Qaırat Itemgenov pen Almas Myńbaev.</p>

Qor málimetine qaraǵanda, Qaırat Itemgenov 1,3 mlrd, al Almas Myńbaev 450 mln teńge aýdarǵan. 

Qaırat Itemgenov Aqniet Group JShS-niń majorıtarlyq aktsıoneri sanalady. Kompanııa Europharma jánn ArzanPharm dárihana jelilerin basqarady. Ol ótken jyly elimizde shyǵatyn Forbes jýrnalynyń «Qazaqstandaǵy 50 eń yqpaldy bıznesmen» jáne «Qazaqstannyń 50 eń dáýletti bıznesmeni» reıtıngterine engen edi.

Almas Myńbaev - Nomad Life jáne «Nomad Inshýrans» saqtandyrý kompanııalary dırektorlar keńesiniń tóraǵasy. Ol da ótken jyly «Qazaqstannyń 50 eń dáýletti bıznesmeni» qataryna qosyldy.

Eske salsaq, Memleket basshysy Qasym-Jomart Toqaev Qostanaı oblysyna jumys sapary barysynda sý tasqyny aýyrtpalyǵyn eńserýge járdemdesken bıznes ókilderimen jáne eriktilermen júzdesip, zardap shekken halyqqa naqty kómek kórsetý isinde bıznesmenderdiń róli zor ekenine aıryqsha nazar aýdarǵan bolatyn.

Tasqyn saldaryn joıýǵa Forbes tizimindegi baı-manaptardan kimder tartylýy múmkin? Tizimmen myna jerden tanysa alasyzdar. 

24 sáýirdegi málimet boıynsha sý tasqyny kezinde kásipkerler bólgen qarajat 200 mlrd teńgege jýyqtady.