Foos Tájikstan baıqaýshylarymen kezdesti
Kezdesý barysynda V.Foos halyqaralyq baıqaýshylardy elimizdiń saılaý zańnamasynyń erekshelikterimen, sondaı-aq Ortalyq saılaý komıssııasynyń kezekten tys prezıdenttik saılaýdy ázirleý jónindegi jumysymen tanystyrdy. Sonymen qatar ol delegatsııa músheleriniń Qazaqstan Respýblıkasyndaǵy zańnamalyq baza men saılaýdy ótkizý tájirıbesine qatysty, úgit naýqanynyń barysy men kandıdattardyń belsendiligi týraly, sondaı-aq Ortsaılaýkomnyń BAQ-pen elektorattyq kezeńde halyqty aqparattandyrý bóligindegi yntymaqtastyǵy týraly suraqtaryna jaýap berdi.
Kezdesýge qatysýshylar saılaý naýqanynyń órkenıetti jáne birqalypty ótip jatqanyn, bul - jaqsy uıymdastyrylǵan daıyndyq pen Qazaqstannyń ashyq, aıqyn jáne demokratııalyq saılaýdy ótkizýge talpynysynyń aıqyn dáleli ekendigin atap ótti.