Foos Parlament jáne máslıhattar saılaýynda ıgerilmegen qarjy kólemin atady

  ASTANA. QazAqparat - QR Parlamenti Májilisiniń jáne barlyq deńgeıdegi máslıhattardyń saılaýyna  bólingen qarjynyń ıgerilmegen somasy belgili boldy. 

Ony búgin QR Ortalyq saılaý komıssııasynyń ashyq otyrysynda komıssııa tóraǵasynyń orynbasary Vladımır Foos jarııa etti, dep habarlaıdy QazAqparat.

«Parlament Májilisiniń jáne barlyq deńgeıdegi máslıhat depýttarynyń saılaý naýqanynyń aıaqtalýy boıynsha aýmaqtyq saılaý komıssııalarynyń ıgermegen bıýdjet qarajaty 812 mln. teńgeni qurady. Qarjy respýblıkalyq bıýdjetti kezekti márte naqtylaý barysynda bıýdjetke qaıtaryldy», - dedi Foos.

Onyń derekterine sáıkes, Qaraǵandy oblystyq saılaý komıssııasy 95,8 mln. teńge, Aqtóbe oblysy 79,6 mln. teńge, Mańǵystaý oblysy 75,7 mln. teńge, Aqmola oblysy 68,6 mln. teńge, Jambyl oblysy 64,8 mln. teńge jáne Ońtústik Qazaqstan oblysy 62,9 mln. teńge bıýdjet qarjysyn paıdalana almaǵan.

«Igerilmegen qarjynyń eń az bóligi Soltústik Qazaqstan men Qostanaı oblystaryna tıesili. Aıta keteligi, saılaý ótkizýge bólingen bıýdjet qarjysyn tolyqtaı kólemde ıgergen oblystyq saılaý komıssııasy joq», - dedi tóraǵa orynbasary.