Fonogrammamen án aıtý, avtorlyq quqyq máselesi zań arqyly retteledi — Aıda Balaeva
«Mádenı saıasattyń tıimdiligi eń aldymen zańnamalyq bazanyń kemeldigine baılanysty. Ókinishke qaraı, mádenıetimizdegi kóp ıgi isterdiń aıaqsyz qalýy quqyqtyq normalardyń shıkiligine kelip tireledi. Sondyqtan Mádenıet týraly zańǵa kezeń-kezeńimen ózgeristermen tolyqtyrýlar engizý — ýaqyt talaby. Ulttyq ekonomıka mınıstrligi ázirlegen Kásipkerlikti júrgizý týraly zań jobasyna memlekettik mýzeıler tarapynan mádenı qundylyqtardy kópshilikke usynýdy sýbsıdııalaý týraly norma qosylyp, Senat qaraýyna engizildi», — dedi Aıda Balaeva Qazmedıa ortalyǵynda mınıstrliktiń alqa otyrysynda.
Budan bólek, Qazaqstan men Qytaı Halyqtyq Respýblıkasy Úkimetteri arasynda ózara mádenıet ortalyqtaryn qurý týraly kelisimdi iske asyrý, sondaı-aq Qazaqstan tarapynan 2011 jyly Sırııanyń Damask qalasynda salynǵan ál-Farabı tarıhı ortalyǵyn iske qosý maqsatynda Mádenıet týraly zańǵa jáne Bıýdjet kodeksine ózgerister engizý kózdelip otyr.
«Mádenıet qyzmetkerleriniń álemýettik statýsynan bastap, sahnada fonogrammany paıdalaný, avtorlyq quqyqtar týraly máseleler de qaralady. Álbette mádenıette, jalpy rýhanııatta shekara bolmaıdy. Biraq zamannyń aǵymyna, qoǵamnyń talabyna saı, keıbir suraqtyń naqty quqyqtyq sheshimi bolý kerek. Mysaly mádenıet eshqashan saıasattyń quraly, saıası lozýzgtar men urandardyń jeteginde bolmaýy tıis. Bul máseleni bir rettik sheshimmen emes, barlyǵyna túsinikti zań sheńberinde retteýimiz kerek. Máselen, búginde belgili oryndaýshylarmen aýqymdy kontsert ótedi dep áleýmettik jeli arqyly jarııalanyp, tipti bıletteri satylǵan kontsertter de ótpeı qalyp júr. Osy jáne basqa da jaǵymsyz áreketterdi tyıý maqsatynda, olarǵa tyıym salý jáne jazalaý sharalaryn qoldaný jóninde zańnamaǵa túzetý engizý úshin jumys júrgizilýde», — dedi Mádenıet mınıstri.