Fon der Lıaıen: Gazadaǵy qantógisti shuǵyl toqtatý kerek

<p>ASTANA. KAZINFORM&mdash;Kelesi bes jyldaǵy baǵdarlamasyn Strasbýrgte tanystyra otyryp, Ýrsýla fon der Lıaıen Taıaý Shyǵystaǵy qaqtyǵys týraly aıtty, dep jazady<a href="https://ru.euronews.com/my-europe/2024/07/18/eu-vdl-gaza" target="_blank" rel="noopener"> Euronews.</a></p>

— Gazdaǵy qantógisti shuǵyl toqtatý kerek, - dedi Eýrokomıssııa tóraǵasy.

Depýtattar ekinshi merzimge qaıta taǵaıyndaǵan Eýropa komıssııasynyń tóraǵasy Ýrsýla fon der Lıaıen daýys berý aldynda óz baǵdarlamasyn usynyp, Taıaý Shyǵystaǵy janjalǵa toqtaldy.

Gaza sektoryndaǵy soǵys on aı boıy jalǵasyp jatyr, halyqaralyq uıymdardyń ókilderi BUU sarapshylarynyń pikirinshe, bul aımaqtaǵy gýmanıtarlyq jaǵdaıdyń aýyr ekenin, asharshylyq Gazany túgel sharpyǵanyn eskertti.

«Men anyq aıtqym keledi: Gazadaǵy qantógisti dereý toqtatý kerek. Izraıldiń HAMAS lańkestik áreketine jaýap berýi nátıjesinde tym kóp balalar, áıelder men beıbit turǵyndar qaza tapty. Gaza halqy budan bylaı shydaı almaıdy», - dedi Eýropalyq komıssııa tóraǵasy Ýrsýla fon der Lıaıen.

Depýtat bul másele boıynsha myńdaǵan hattar túskenin aıtady. Onyń aıtýynsha, saılaýshylar Halyqaralyq qylmystyq sottan Izraıl premer-mınıstrin qamaýǵa alýǵa order berýdi talap etip otyr. Degenmen, Eýroodaq ishinde Taıaý Shyǵystaǵy qaqtyǵysqa baılanysty tereń kelispeýshilik saqtalady, bul Eýrokomıssııanyń únsiz jaýabyn bildirýi múmkin.