FlyArystan ushaǵyna naızaǵaı tústi

TÚRKІSTAN. QazAqparat – FlyArystan ushaǵyna naızaǵaı túsip, áýe kemesi shuǵyl túrde qonýǵa májbúr boldy, dep habarlaıdy QazAqparat.

«19 mamyr kúni saǵat 13:05-tegi «Túrkistan – Ystanbul» baǵytyndaǵy KS7425 reısi aýa raıy jaǵdaıyna, naqty aıtqanda onyń aldyndaǵy reıstegi áýe kemesine jaı túsýine baılanysty keshiktirilip jatyr. Talaptarǵa sáıkes jaı túskennen keıin áýe kemesine ınspektsııa jasaý qajet», - dep málim etti avıakompanııadan.

Túrkistannan ushaq 19 mamyr kúni, jergilikti ýaqytpen saǵat 17.00-de ushyp shyǵatyny josparlanǵan.

FlyArystan kompanııasynyń baspasóz qyzmetinen málim etkendeı, reısterdiń keshiktirilýi men olardyń oryndalmaýynyń aldyn alý boıynsha barlyq qajetti sharalar qolǵa alynyp jatyr.

«Alaıda, keıde baqylaýǵa jatpaıtyn jaǵdaılar bolady. Atalǵan jaǵdaıda reıstiń keshiktirilýi avıakompanııa kinásinen oryn alǵan joq jáne onyń baqylaýynan tys boldy», - dedi kompanııadan.