FlyArystan Oralǵa jasalatyn ishki reısterdi toqtatady
1 tamyzdan bastap Oral qalasynyń áýejaıynda operatsııalyq shekteýlerdiń engizilýine baılanysty FlyArystan ishki baǵyttar boıynsha Oraldan jáne Oralǵa jasalatyn reısterdi toqtatýǵa májbúr bolyp otyr.
Shekteýdiń sebebi - Oral áýejaıynyń habarlamasy. Onda «ushyp-qoný jolaǵy men perronnyń jasandy tósemine túsetin salmaq pen qarqynyna qoıylatyn talaptardyń saqtalýyn qamtamasyz etý maqsatynda shekteý qoıylady» delingen.
Áýekompanııa jolaýshylarǵa bılet qunyn tolyqtaı qaıtarady nemese basqa ishki baǵyttar boıynsha qaıta tegin brondaýdy usynady.
Qaıta brondaý jáne bıletti qaıtarý úshin kompanııaǵa júginý qajet:
- Baǵytty ózgertý úshin baılanys ortalyǵyna habarlasyńyz.
- WhatsApp (qońyraý qabyldanbaıdy): +7 702-702-02-27
- Live Chat paraqshasyna jazyńyz
- Elektrondy poshta: contact.centre@flyarytan.com
Eger bılet onlaın agenttikte/kassada/týrıstik agenttikte satyp alynǵan bolsa, sol satyp alǵan jerińizge habarlasý qajet.
Tolyq qaıtarý bıletti satyp alǵan jerde rásimdelýi tıis:
- FlyArystan mobıldi qosymshasynda nemese flyarystan.com saıtynda «Brondaý jáne brondaýdy ózgertý» bóliminde – «Brondaýdy ózgertý».