FlyArystan-nyń Semeı-Shymkent baǵytyndaǵy ushaǵy aýa raıyna baılanysty Almatyǵa qondy

ALMATY. QazAqparat - FlyArystan áýe kompanııasy saǵat 15:25-te Semeıden Shymkentke ushyp shyqqan laınerdiń aýa raıy qolaısyzdyǵyna baılanysty Almaty áýejaıyna qonýǵa májbúr bolǵanyn málimdedi, dep habarlaıdy QazAqparat.

Ushaq Almatydan Shymkentke 19.06.2023 saǵat 21:00-de ushady dep josparlanýda.

Ushý ýaqyty týraly ózekti aqparat jolaýshylarǵa brondaý kezinde kórsetilgen nómirlerge jiberiledi. Sondaı-aq jolaýshylar flyarystan qosymshasynda jáne flyarystan.com saıtynda reıstiń statýsyn óz betinshe teksere alady.

Áýekompanııanyń kinásiniń joqtyǵyna qaramastan, biz reıstiń jolaýshylary:

1. Eki saǵattan artyq keshiktirilgen kezde: alkogolsiz sýsyndar, sondaı-aq bes mınýttan aspaıtyn eki telefon qońyraýyn nemese eki elektrondyq poshta habarlamasyn suraı alady.

2. Tórt saǵattan artyq keshiktirilgende, ystyq tamaq usynylady.

Sýsyndar men taǵam máseleleri boıynsha áýejaıdaǵy FlyArystan ókilderine júginýdi suraımyz.

3. Bes saǵattan artyq keshiktirilgende, bir ret tegin áýebılettiń ýaqytyn ózgertý múmkindigi usynylady.

«Biz aýa raıynyń qolaısyz jaǵdaılary jolaýshylardyń josparlaryna áser etkeni úshin shyn júrekten keshirim suraımyz jáne áýekompanııa barlyq reısterdi ýaqytynda oryndaý úshin bar kúshin salyp jatqanyn eske salamyz.

Qosymsha suraqtar týyndaǵan jaǵdaıda jolaýshylar live-chat qyzmetine jáne WhatsApp-chat 24/7 qyzmetine qoldaý suraı alatynyn eske salamyz», - dep jazdy kompanııadan.