FlyArystan basshysy Oralda egizderdiń anasy Jazıra Mýsınamen kezdesti
«FlyArystan áýekompanııasynyń basshysy Rıchard Ledjer 21 shildede «Astana-Oral» reısine jiberilmegen 12 jasar qyz Zere Galıevanyń anasymen kezdesý úshin arnaıy Oral qalasyna ushyp keldi. Taraptar bolǵan jaǵdaıdyń sebepterin egjeı-tegjeıli talqylady. FlyArystan áýekompanııasynyń resmı ókili qyzdyń otbasynan keshirim surady. Kezdesýde Kólik mınıstrliginiń qyzmetkerleri de boldy. Áýekompanııa kezdesý nátıjesimen jáne qabyldaǵan sheshimderimen aldaǵy ýaqytta bólisedi», — delingen habarlamada.
Eske sala keteıik, buǵan deıin Oral qalasynyń qos turǵyny, egizder – Záýre men Zere Amerıkadaǵy til mektebinen Astana arqyly keri ushyp shyqqanyn, elordaǵa aman jetken qos jasóspirimniń biri Astana - Oral baǵytynda ushqan «FlyArystan» áýekompanııasynyń ushaǵynan qalyp qoıǵanyn jazǵan bolatynbyz.
Bul oqıǵany estigen Oqý-aǵartý mınıstrligi Balalardyń quqyqtaryn qorǵaý komıteti FlyArystan ushaǵyna jiberilmeı, áýejaıda jalǵyz qalǵan 12 jasar qyzdyń anasyna habarlasyp, qajetti psıhologııalyq kómek usynǵan bolatyn.