«Fly Arystan» áýe kompanııasyna tıesili ushaq ne sebepti shuǵyl túrde qonǵany anyqtaldy
Azamattyq avıatsııa komıtetiniń málimdeýinshe, Atyraýdan almatyǵa bet alǵan ushaq dabyldyń iske qosylýyna baılanysty qaıta qonǵan.
«2020 jylǵy 7 qyrkúıekte «Atyraý – Almaty» baǵyty boıynsha reısin oryndaý kezinde «Fly Arystan» áýe kompanııasyna tıesili ushaqta «avıatsııalyq salqyndatý klapany jumys istemeıdi» dabyly iske qosyldy. Ekıpaj barlyq tıisti sharalardy qabyldady, biraq bul ushýdaǵy aqaýlyqty qalpyna keltirýge kómektespedi, mundaı jaǵdaılarda áýe kemesiniń ushý bıiktigi on myń fýttan aspaıdy» delingen habarlamada.
Málimetke saı, osy oqıǵaǵa baılanysty ushaq ózi ushyp shyqqan áýejaıǵa qaıta oralý týraly sheshim qabyldandy jáne áýe kemesi shtattyq rejımde qondyryldy.
«Injenerlik-tehnıkalyq quram deaktıvatsııalaý sharalaryn ótkizdi, sodan keıin áýe kemesi Almaty qalasyndaǵy áýejaıǵa ushyp ketti. Bul oqıǵa tekserýge jatatyn avıatsııalyq oqıǵalardyń tizbesine jatpaıdy (avıatsııalyq oqıǵalardy tekserý qaǵıdalarynyń 25 jáne 26-qosymshalary)» dep habarlaıdy vedomstvo.