Fızýlıdiń «Dıýan» dastany «Álem jady» baǵdarlamasynyń tizilimine endi

ASTANA. QazAqparat - Uly ázerbaıjan aqyny Fızýlıdiń «Dıýan» atty qoljazbasynyń túrki (ázerbaıjan) tilindegi kóshirmesi «Álem jady» baǵdarlamasynyń tizilimine engizildi, dep habarlaıdy QazAqparat AZERTADJ agenttigine silteme jasap.

Parıjdegi ıÝNESKO shtab-páterinen Ázerbaıjan Ulttyq Ǵylym akademııasynyń Muhammed Fızýlı atyndaǵy Qoljazbalar ınstıtýtynyń dırektory, akademık Teımýr Kerımlıge bul jóninde hat jiberilgen.

Baılanys jáne aqparat sektorynyń meńgerýshisi Boıan Radoıkov onda Halyqaralyq konsýltatıvtik komıtettiń 2017 jylǵy 24-27 qazan kúnderi ótken 13-shi otyrysynda osynaý tarıhı-mádenı muranyń Baǵdarlama tizilimine engizilýi ony adamzat úshin saqtaýdyń qanshalyqty mańyzdy ekenin kórsetetini jazylǵan.

Aıta keteıik, atalǵan shyǵarma «Dıýannyń» Fızýlı dúnıe salǵannan keıin 16 jyldan soń, 1572 jyly túrki tilinde Bakýde kóshirilgen eń tanymal nusqasy bolyp tabylady.