Fızıka boıynsha Nobel syılyǵyn Djon Hopfıld pen Djeffrı Hınton aldy

<p>ASTANA.KAZINFORM - 2024 jylǵy fızıka salasyndaǵy Nobel syılyǵy ǵalymdar Djon Hopfıld pen Djeffrı Hıntonǵa neırondyq jelilerdi mashınalyq oqytýǵa múmkindik bergen jańalyqtary men ónertabystary úshin berildi, dep jazady <a href="https://www.bbc.com/russian/articles/c1wn58dzz80o" target="_blank" rel="noopener">VVS.</a></p>

Ótken jyly fızıka salasyndaǵy Nobel syılyǵy Per Agostını, Ferents Kraýz jáne Ann L'ıÝıege «atomnyń ishine úńilýge» múmkindik beretin ýltra qysqa lazerlik ımpýlsti tehnologııany ázirlegeni úshin berilgen bolatyn.

1901 jyldan beri fızıka boıynsha Nobel syılyǵy 117 ret berildi, 225 adam onyń laýreaty atandy. Nobel aptalyǵy jyl saıyn dástúrli túrde qazan aıynyń basynda Stokgolmde ótedi. Fızıka syılyǵy ekinshi tabystalady.

Alǵashqy kúni medıtsına jáne fızıologııa salasyndaǵy laýreattar belgili boldy. Odan keıin fızıka, hımııa, ádebıet salalaryndaǵy syılyqtar tabystalady. Apta sońynda Beıbitshilik boıynsha Nobel syılyǵynyń laýreaty anyqtalady. Ol belgili bir adam ǵana emes, tutas bir uıym bolýy múmkin. Bul shved emes, Norvegııa ǵylym akademııasy tabystaıtyn jalǵyz syılyq.

Sonymen qatar, 1969 jyldan bastap Shvetsııa Bankiniń bastamasymen ekonomıka salasyndaǵy jyl saıynǵy syılyq beriledi. Ol Alfred Nobeldi eske alýǵa arnalǵan. Alaıda onyń bastapqy ósıetinde bul sala kórsetilmegen.

Fızıka Alfred Nobeldiń ósıetinde aıtylǵan birinshi ǵylym salasy boldy. Sondaı-aq, onda fızıka boıynsha syılyqty Shvetsııanyń koroldik ǵylym akademııasy berýi kerektigi aıtylǵan.

Akademııa 1739 jyly quryldy. Búginde onyń quramynda 450 shved jáne 180 sheteldik ǵalymdar bar.

Nobel komıtetiniń múshelerin Akademııa úsh jyl merzimge taǵaıyndaıdy.