Fitch Ratings Qazaqstannyń táýelsiz kredıt reıtıngin VVV deńgeıinde rastady

<p>ASTANA. KAZINFORM — Fitch Ratings halyqaralyq reıtıng agenttigi Qazaqstannyń táýelsiz kredıttik reıtıngin «BBB» deńgeıinde rastady, boljam — «turaqty». Bul jaıynda Ulttyq ekonomıka mınıstrliginen habarlandy. </p>

Elimizdiń reıtıngin qoldaıtyn negizgi faktorlardyń qataryna — eleýli syrtqy býferler, shetel valıýtasyndaǵy rezervter, turaqty fıskaldyq jaǵdaı, memlekettik qaryzdyń tómen deńgeıi, sondaı-aq syrtqy táýekelderge ortasha áser etý enip otyr.

Fitch Ratings sarapshylary valıýtalyq rezervterdiń odan ári nyǵaıýyn, sondaı-aq ımporttyń qalypty ósýi jáne munaı óndirý men eksport kóleminiń ulǵaıýy aıasynda aǵymdaǵy shot tapshylyǵynyń qysqarýyn boljaýda.

Fitch pikirinshe, bıýdjet shyǵystarynyń ósýin shekteıtin jańa fıskaldyq erejeler jáne Qazaqstannyń Ulttyq qorynan kepildendirilgen transfert salyq-bıýdjet saıasatyn nyǵaıtýǵa tıis.

Buǵan qosa, Fitch qaıtalama sanktsııalardy engizýdiń salystyrmaly túrde tómen táýekelderin jáne olardyń Qazaqstan ekonomıkasyna áserin atap ótti.