Fitch Otbasy bank reıtıngin BBB, ıaǵnı «Turaqty» deńgeıinde rastady

<p>ASTANA. KAZINFORM &ndash; Fitch Ratings halyqaralyq reıtıngtik agenttigi 2024 jyldyń 16 tamyzynda &laquo;Otbasy bank&raquo; AQ-nyń (&laquo;Báıterek&raquo; holdınginiń enshiles uıymy) ulttyq valıýtadaǵy uzaq merzimdi emıtent defoltynyń reıtıngin (EDR) &laquo;VVV&raquo; deńgeıinde rastady. Reıtıng boıynsha boljam &laquo;Turaqty&raquo;.</p>

Bank reıtıngin rastaý arqyly Fitch Ratings agenttigi, qarjy ınstıtýtyna memleket tarapynan qoldaý kórsetilý yqtımaldyǵy joǵary degen pikir bildirdi.

Fitch Ratings pikirinshe, Otbasy bankiniń nesıe sapasy myqty, kapıtalynyń joǵary jetkiliktilik qory men qajetti ótimdilik kólemi bar. 

Búgingi kúni banktiń NPL deńgeıi ózge ekinshi deńgeıli banktermen (ári qaraı-EDB) salystyrǵanda eń tómen kórsetkishterdiń birine ıe. Kredıttik portfelde tólemderi 90 kúnnen artyq keshiktirilgen qaryzdardyń mólsheri naryq boıynsha ortasha 3,09% deńgeıinde bolsa, Otbasy bankinde ol 0,11%-ǵa teń.

Banktiń elimizde beriletin barlyq ıpotekalyq portfelindegi úlesi 53% teń (2024 jylǵy 1 shildedegi derekter boıynsha). Jyl basynan bergi 7 aıda 34 713 bank klıenti zaem rásimdep, qonys toıyn atap ótti. Bul rette 27 619 nesıe qazaqstandyqtarǵa naryqtyq jaǵdaılar boıynsha turǵyn úı satyp alý úshin berildi. Bul bank klıentteriniń 79,6%, ıaǵnı osynshama qazaqstandyq memlekettik baǵdarlamalardan tys, alǵashqy jarnasyn jınap, kommertsııalyq naryqtan qoljetimdi jaǵdaımen turǵyn úı satyp alý úshin ıpoteka aldy degen sóz. 

Qazaqstandaǵy turǵyn úı qurylys jınaqtary júıesine qatysýshylardyń sany 2,8 mln adamdy nemese ekonomıkalyq belsendi halyqtyń 29% quraıdy.

2024 jyly elimizdegi eń tómengi paıyzdyq mólsherlememen nesıe alyp, turǵyn úı satyp alý úshin Otbasy bankinde 277 220 qazaqstandyq jańa salymdar ashty. 

Nátıjesinde teńgedegi uzaq merzimdi qazaqstandyq salymdardaǵy banktiń úlesi 33% quraıdy.

Otbasy bankinde depozıtti bank keńesshilerine jolyǵyp ashýǵa bolady. Sondaı-aq, jınaq shotyn qashyqtan, beıne-operator nemese mobıldi qosymsha kómegimen de ashýǵa múmkindik bar.

Qazir Otbasy bank Qazaqstandyq EDB arasynda aktıvter men menshikti kapıtal boıynsha 4-shi orynda.