Fırýza Sharıpova WBA jáne WBC reıtıngine endi

ASTANA.QazAqparat - Kásipqoı bokstaǵy tuńǵysh qazaqstandyq qyz Fırýza Sháripova WBA jáne WBC reıtıngine endi, dep habarlaıdy QazAqparat.

Fırýza Sháripova (8-1-0,4KO) eki salmaq dárejesi boıynsha WIBA, IBO jáne WBC Silver tujyrymdarynyń chempıon belbeýiniń ıegeri. Qazaqstandyq boksshy qyz Dúnıejúzilik boks qaýymdastyǵynyń (WBA) jáne Búkilálemdik boks keńesi (WBC) tujyrymynyń maýsym aıyndaǵy reıtınginde, 2 jáne 8-orynnan kórindi.

Aıta keteıik, F.Sháripova ótken jyly EKSPO kórmesi aıasynda jeńil salmaqta WIBA beldigin, al sol jyly 30 jeltoqsan kúni «Almaty Arena» kesheninde ótken jekpe-jeginde sýper jeńil salmaqta IBO jáne WBC Silver tujyrymdarynyń chempıondyq ataǵyn jeńip alǵan bolatyn.

Tabysty jeńisinen keıin, WBA uıymy Sharıpovany jeltoqsan aıyndaǵy sýper jeńil salmaq dárejesiniń reıtıngisinde 14-orynǵa jaıǵastyrdy. Al uıymnyń mamyr jáne maýsym aıyndaǵy reıtıngisinde, qazaqstandyq jeńil salmaqta birden 2 orynǵa kóterildi.

Foto: egemen.kz