Fırýza Sháripova WBA reıtınginde óz ornyn saqtap qaldy

NUR-SULTAN. QazAqparat – Úsh salmaq sanatynda álem chempıony, qazaqstandyq Fırýza Sháripova WBA-diń jańartylǵan reıtınginde ekinshi oryndy saqtap qaldy, dep habarlaıdy QazAqparat Sports.kz saıtyna silteme jasap.

Dúnıejúzilik boks qaýymdastyǵy (WBA) – kásipqoı boks boıynsha 4 bedeldi halyqaralyq uıymnyń biri.

Áıelder arasynda jeńil salmaqtaǵy basty beldik burynǵysha álemniń absolıýtti chempıony, ırlandııalyq Ketı Teılorǵa tıesili.

F.Sháripova reıtıngide Belgııanyń tanymal boksshysy Delfın Persýnnan, Olımpıada chempıony, frantsýz Estel Moslıden (6-oryn) jáne Ketı Teılordyń qarsylasy bolǵan Natasha Djonastan (11-oryn) alda tur.

Aıta keteıik, K.Teılor men N.Djonastyń aıqasy teń dárejede ótti. Degenmen, Djonas opponentinen bolmashy esep aıyrmasymen jeńilis tapty: 96-95, 96-94, 96-95. Kepildi gonorar: Teılorda – 1,38 mln dollar, Djonasta 485 myń dollardy qurady. N.Djonas bul jeńilisine deıin WBA reıtınginde 4-orynda turǵan bolatyn. F.Sháripova sol ýaqytta da 2-orynda bolǵan edi. Sondaı-aq qazaqstandyq boksshy álemniń absolıýtti chempıonymen jekpe-jek ótkizýge úmitker.