Fırýza Sháripova MMA-degi debıýti aldynda salmaq ólsheý rásiminen ótti
21:59, 28 Shilde 2022
ALMATY. QazAqparat – Bokstan jeńil salmaqta IBA jáne WBU nusqalary boıynsha álem chempıony qazaqstandyq Fırýza Sháripova 29 shilde kúni Almatyda Octagon 33 týrnırinde MMA-degi debıýttik jekpe-jegin ótkizedi, dep habarlaıdy QazAqparat Sports.kz saıtyna silteme jasap.
27 jastaǵy qazaqstandyqtyń qarsylasy aralas jekpe-jek sportshysy, 18 jastaǵy reseılik Karına Ońdasynova bolmaq. Reseıliktiń MMA-degi rekordy – 2-0.
Jekpe-jek qarsańynda sportshylar salmaq ólsheý rásiminen ótip, kóz arbasty.
Ótken jyldyń jeltoqsan aıynda Fırýza Sháripova WBA, IBF, WBO, WBC jáne The Ring nusqalary boıynsha belbeýler úshin bolǵan tıtýldyq jekpe-jekte ırlandııalyq Ketı Teılordan jeńilip qaldy.
Foto: sports.kz