Fırýza Sháripova MMA-daǵy ekinshi jekpe-jegin ótkizedi
01:18, 01 Qarasha 2022
ASTANA. QazAqparat – Bokstan álem chempıony bolǵan Fırýza Sháripovanyń MMA-daǵy ekinshi aıqasy qashan ótetini belgili boldy, dep habarlaıdy QazAqparat «Qazaqstannyń kásipqoı boksy» Instagram-paraqshasyna silteme jasap.
Qazaqstandyq boksshy oktagonǵa 18 qarashada Almatyda ótetin Octagon 37 týrnırinde shyǵady.
Eske salaıyq, bıylǵy 29 shildedi Sháripova MMA-da debıýt jasady. Ol birinshi raýndta reseılik Karına Ondasynovany býyndyrý ádisimen jeńdi. Fırýzanyń kásipqoı bokstaǵy jetistikterine kelsek, ol IBA jáne WBU nusqalary boıynsha álem chempıony boldy. Al ótken jyldyń jeltoqsanynda «absolıýtti» chempıon ataǵy úshin talasty, biraq jeńilip qaldy.