Fırýza Sháripova kelesi jekpe-jegin qashan ótkizetini málim boldy

⠀NUR-SULTAN. QazAqparat – Qazaqstandyq kásipqoı boksshy Fırýza Sháripova reseılik boksshy, Olımpıada oıyndarynyń júldegeri Sofıa Ochıgavamen kezdesedi. Jekpe-jek bıylǵy sáýir aıynda Qazanda ótedi, dep habarlaıdy QazAqparat.

26 jastaǵy F.Sháripova profıdegi 12-inshi jeńisine byltyrǵy qazan aıynda jetken bolatyn. Ol serbııalyq Sara Marıanovıchpen (7-7, 3 KO) ótken aıqasty tóreshilerdiń biraýyzdy sheshimimen jeńdi. Sháripovanyń enshisinde bir ǵana jeńilis bar. Ol 2016 jyly Sofıa Ochıgavaǵa ese jebirgen edi. Aıta ketsek, bul – qos burymdy úshin de debıýdtik aıqas bolatyn.

VKontakte áleýmettik jelisindegi «Qazaqstannyń kásipqoı boksy» paraqshasynda jazylǵandaı, álemniń eki dúrkin chempıony jáne Eýropa chempıonattarynyń úsh dúrkin jeńimpazy S.Ochıgava kásipqoı rıngte 4 ret jeńiske jetken bolatyn. Reseılik qyz buǵan deıingi kezdesýin ótken jyldyń jeltoqsanynda ótkizdi. Ol otandasy ıÝlııa Kýtsenkodan ústem bolyp, jeńil salmaqtaǵy WBC Silver beldigin jeńip aldy.

«Ochıgava men Sháripova jekpe-jekti Qazanda sáýir aıynda ótkizedi. 3 jáne 10 sáýir datalary qarastyrylýda. Sondaı-aq bul aıqas tıtýldy blolýy úshin kelissózder júrgizilýde», - dep málim etken Sháripova men Ochıgavanyń menedjeri Sergeı Zavılevskıı RIA Jańalyqtar agenttigine.

Aıta ketsek, olar revanshty jazda ótkizýi múmkin edi. Alaıda koronavırýs pandemııasyna baılanysty kezdesý birneshe ret keıinge qaldyryldy.