Fınlıandııa men Shvetsııa arasyndaǵy ınternet kabeli zaqymdaldy

<p>ASTANA. KAZINFORM &ndash; Fınlıandııada talshyqty-optıkalyq kabeldiń zaqymdanýy ınternettiń aýqymdy túrde úzilýine sebep boldy. Bılik bolǵan oqıǵa &laquo;ádeıi jasalǵan bolýy múmkin&raquo; dep boljaıdy. Bul týraly&nbsp;<a href="https://www.dw.com/ru/mezdu-finlandiej-i-sveciej-povrezden-internetkabel/a-70943976" target="_blank" rel="noopener">DW</a> habarlady.</p>

Baltyq jaǵalaýynda bul joly Fınlıandııa men Shvetsııa arasynda ınternet kabeli qaıta zaqymdaldy, dep habarlady seısenbi, 3 jeltoqsanda Sveriges Radio radıostantsııasy.

Habarlamaǵa sáıkes, fın polıtsııasy muny «qylmys» dep qaraýy múmkin.

Shvetsııanyń PTS telekommýnıkatsııa agenttigi Fınlıandııa aýmaǵynda ınternet kabeliniń eki birdeı jerden zaqymdanýy tirkelgenin rastady. Fınlıandııanyń kólik jáne kommýnıkatsııa mınıstri Lýlý Ranne X áleýmettik jelide bıliktiń tergeý júrgizip jatqanyn jáne «jaǵdaıdy baıyppen baqylap otyrǵanyn» jazdy.

Sonymen qatar GlobalConnect baılanys operatory talshyqty-optıkalyq kabeldiń zaqymdanýynan Fınlıandııada ınternet jumys istemeı qalǵanyn habarlady. Oqıǵa dúısenbi kúni bolǵan, sodan beri jóndeý jumystary júrip jatyr.