Fınder aýadan tamaq jasaı bastady

ASTANA. QazAqparat - Fın ǵalymdary aýadan alynatyn sý men kómirqyshqyldy azyq bolatyn aqýyz túıirshikterine aınaldyratyn qurylǵy oılap tapty. Erekshe qurylǵyny oılap tabýshylar bul jer betindegi asharshylyqpen kúresýge kómegin tıgizedi dep esepteıdi. Bul týraly AZERTADJ jazady.

«Tájirıbelik turǵydan alyp qaraǵan kezde, aýadan turatyn osy aqýyz taǵamdaryn jasaýǵa bolady. Bolashaqta bizdiń qurylǵy  asharshylyqtan zardap shegip otyrǵan álem elderinde ornalastyrylýy ábden múmkin. Onyń ústine bul qurylǵyny úıde ornatyp-aq ta, qajetinshe paıdalanýǵa bolady», - dedi Lappeenranta tehnologııa ýnıversıtetiniń (Fınlıandııa) ǵalymy ıÝha-Pekka Pıtkanen

Ǵalymnyń sózine qaraǵanda, tamaqty óndirýdiń mundaı ádisi dástúrli aýyl sharýashylyǵymen salystyrǵanda álde qaıda jeńil jáne ol úshin topyraq jáne basqa da dánderdi ósirý jaǵdaılary qajet etilmeıdi.

«Biz aqýyzdardy avtomatty rejımde óndiremiz, oǵan qandaı da bir tyńaıytqyshtar nemese pestıtsıdter qoldanylmaıdy», - dedi ıÝha-Pekka Pıtkanen.