Fılıppındegi Mındanao ýnıversıtetinde jarylys boldy

<p>Fılıppınniń ońtústigindegi Maravı qalasyndaǵy Mındanao ýnıversıtetinde bolǵan jarylys saldarynan úsh adam qaza taýyp, toǵyzy jaralandy, dep habarlaıdy <a href="https://www.inform.kz/" target="_blank" rel="noopener">Kazinform</a> <a href="https://tass.ru/mezhdunarodnaya-panorama/19441615" target="_blank" rel="noopener">TASS</a> agenttigine silteme jasap.&nbsp;</p>

ABS-CBN News habarlaǵandaı, jarylys katolıkterdiń mereıtoıy kezinde bolǵan. Tótenshe jaǵdaı saldarynan úsh adam qaza tapty. 

«Mındanao ýnıversıtetiniń qaýymdastyǵy búgin tańerteń dinı jıyn kezinde bolǵan oqıǵadan keıin áli kúızeliste otyr. Biz bul jantúrshigerlik áreketti uıymdastyrǵan adamdardy barynsha qatań túrde jazalaýyn suraımyz jáne qurban bolǵandar men olardyń otbasylaryna qaıǵyra kóńil aıtamyz. Osy qaıǵyly oqıǵadan zardap shekkenderge kómek kórsetýge daıynbyz», - delingen ýnıversıtet habarlamasynda. 

Atalǵan oqý ornynyń ákimshiligi sabaqtardyń toqtatylǵanyn habarlap, kampýsty kúzetý úshin onda qosymsha qaýipsizdik qyzmetkerlerin ornalastyrdy.