Fılıppınde koronavırýstan 33 adam qaıtys boldy
00:23, 29 Qyrkúıek 2022
MANILA. QazAqparat – Sársenbi kúni Fılıppınde 1,5 adam koronavırýs juqtyryp, 33 adam qaıtys boldy, dep habarlaıdy QazAqparat News CN-ge silteme jasap.
El bıligi COVID-19 juqtyrýdyń jaǵdaılary kóbeıgenin, munda jalpy alǵanda aýrýǵa shaldyqqandardyń sany 3 943 153 adamǵa jetkenin habarlady.
Densaýlyq saqtaý mınıstrligi málim etkendeı, dárigerlerdiń baqylaýynda turǵan naýqastardyń sany 27 553 adamǵa jetken. Onyń 33-i aýrýy asqynyp, kóz jumǵan. Elde koronavırýstan kóz jumǵandardyń jalpy sany 62 882 adamǵa jetken.
13 mıllıonnan astam halqy bar el astanasy Manılada koronavırýs juqtyrýdyń 671 jańa jaǵdaıy tirkelgen.
Fılıppınde osy jyldyń 15 qańtarynda 39 004 adam koronavırýs juqtyrǵan bolatyn. Bul – bir kúnde tirkelgen eń kóp kórsetkish. 110 mıllıonǵa jýyq halqy bar elde 73 mıllıonnan astam adam tolyq vaktsınalanǵan.