Fılıppın óz aýmaǵynda Amerıka áskerin kóbeıtýge kelisti

ASTANA. QazAqparat – Qurama Shtattar men Fılıppın beısenbi kúni Fılıppın aýmaǵynda Amerıka áskerin kóbeıtý týraly kelisimdi jarııalady, dep habarlaıdy QazAqparat tilshisi CNBC-ke silteme jasap.

AQSh Qorǵanys mınıstri Lloıd Ostın memleket basshylyǵymen qosymsha qarý men amerıka áskerin ornalastyrý týraly kelissóz júrgizý úshin seısenbi kúni Fılıppınge keldi.
Taraptardyń ortaq málimdemesinde Qorǵanys salasyndaǵy keńeıtilgen seriktestik týraly kelisimdi tolyq júzege asyrý jedeldetilgeni habarlandy. Onyń maqsaty – ortaq daıyndyq, oqý men ózara árekettestik.
Ásker sanyn arttyrý aıasynda, AQSh eldiń strategııalyq aýdandaryndaǵy burynnan bar bes áskerı baza men tórt jańa obektiniń ınfraqurylymyn jaqsartýǵa 82 mln dollar bóledi.
EDCA qorǵanys kelisimine sáıkes 2014 jyly amerıka kúshterine Fılıppınniń bes áskerı bazasyna belgisiz merzimge deıin kirýge ruqsat berildi.

2022 jyldyń qazanynda AQSh, ásirese qurlyqtyq memlekettiń soltústigine kóbirek ásker men qarýdy ornalastyrýǵa ruqsat surady.

Foto: Rolex Delapena | Pool | Getty Images