FIFA QJ League Cup jarysynda Ernazar Dúısekov top jardy

ASTANA. QazAqparat - FIFA QJ League Cup jarysy óz máresine jetti. Eki kúnge sozylǵan jasóspirimder lıgasynyń 12 komandasynan iriktelgen jas fýtbolshylar vırtýaldy alańda ózara jeńimpazdy anyqtady, dep habarlaıdy QazAqparat.

Ekinshi oıyn kúni shırek fınaldyq kezdesýlermen bastaldy. Aqsýlyq Ernazar Dúısekov «Ordabasy» ókili Hansultan Aıtýǵa qarsy oınady. Alǵashqy kezdesýde Aıtý senimdi jeńiske jetti, biraq Dúısekov qalǵan eki kezdesýde qarsylasyn utty.

Ekinshi teketires te sol eseppen aıaqtaldy, biraq basqa stsenarıımen ótti: aldymen «Taraz» oıynshysy Beıbarys Ábdilhaı «Aqtóbe» komandasynyń qarsylasy Damır Nýredılovty 3:0 esebimen jeńdi, sodan keıin odan dál sol nátıjemen jeńilis tapty. Sheshýshi oıynda 2:0 esebimen jambyldyqtar jeńiske jetti.

Bir kún buryn irikteý toptaryn utqan astanalyq Aldııar Altaev pen jasqyrandyq Emın Musaev jartylaı fınaldaǵy qarsylastaryn kútti.

Aldııar Beıbarysqa qarsy eshteńe kórsete almady, «Astana» serııada «Tarazdan» 0:2 esebimen jeńilip qaldy. Birinshi kezdesýde taǵy da jeńilip, keıingi eki matchta Dıýsekov Musaevtan myqtyraq bolyp shyqty, serııanyń nátıjesi: «Aqsý» 2-1 «Jas Qyran».

Úsh jeńiske deıingi fınaldyq serııada Ernazar Dúısekov Beıbarys Ábdilhaıǵa múmkindik qaldyrmaı, ony úsh kezdesýde qatarynan utyp, úzdik dep tanyldy.