FIFA koronavırýske baılanysty usynystar tizimin jarııalady

NUR-SULTAN. QazAqparat - Halyqaralyq fýtbol federatsııasy (FIFA) álemde koronavırýs pandemııasyna baılanysty fýtboldy ýaqytsha shegerý jaǵdaıyna qatysty usynystar tizimin jarııalady, dep habarlaıdy QazAqparat tilshisi uıymnyń saıtyna silteme jasap.

FIFA klýbtarǵa qalyptasqan jaǵdaıǵa baılanysty fýtbolshylar úshin birqatar jeńildik jasaýdy usyndy. Keıbir oıynshylardyń eńbek kelisimsharty bıylǵy jazda bitýi múmkin. Mundaı jaǵdaıda klýbtar ony maýsym sońyna deıin sozýǵa sheshim qabyldaýy tıis. Al kelesi maýsymda komandalar qataryna qosylýǵa múmkindik alǵan fýtbolshylarǵa ony óz ýaqytynda qoldanýǵa bolady.

FIFA jalaqynyń qysqarý jaǵdaıyna baılanysty árbir klýbtyń ózi sheshim qabyldaıtyny jóninde pikirin bildirdi. Biraq, daýly isterde táýelsiz sarapshy áreketin paıdalanýǵa negiz bar.

FIFA saıtynda jazǵy transferlik kezeń ýaqyty aǵymdaǵy jáne kelesi maýsymnyń bastalý kúnderin eskere otyryp túzetiledi dep kórsetilgen.

Buǵan deıin UEFA prezıdenti eýrokýbok oıyndary 3 tamyzǵa deıin aıaqtalýy tıis ekenin málimdedi nemese oıyndar nátıjesinen bas tartý jaǵdaıy kózdelgen. Uıym Chempıondar lıgasy men Eýropa lıgasy qatysýshylaryna qarjylyq faır-pleı áreketin toqtatqan bolatyn.

Budan buryn UEFA «Ordabasy» klýbyna baılanysty sheshim qabyldady.