FIDE Gran-prıiniń 8-týry: Ábdimálik pen Asaýbaevanyń nátıjesi qandaı
22:24, 26 Qyrkúıek 2022
ASTANA. QazAqparat - Shahmattan FIDE (WGP) áıelder arasyndaǵy Gran-prı jarysynyń birinshi kezeńi segizinshi týrynda qazaqstandyq Bıbisara Asaýbaeva men Jansaıa Ábdimálik kezekti oıynyn ótkizdi, dep habarlaıdy QazAqparat tilshisi.
Astanada ótip jatqan jarysta Bıbisara Asaýbaeva qytaılyq Tan Chjýnıge ese jiberdi.
Al Jansaıa Ábdimálik úndistandyq Rameshbabý Vaıshalımen teń oınady.
Búginge deıingi nátıje boıynsha Bıbisara men Jansaıa birdeı kórsetkishke ıe. Ekeýiniń de enshisinde 1 jeńis, 5 teń oıyn jáne 2 jeńilis bar.
Jansa teń oıynnan keıin segizinshi orynnan jetinshige kóterildi. Al Bıbisara jetinshiden onynshy orynǵa syrǵydy.
Endi Bıbisara 27 qyrkúıekte germanııalyq Dınara Vagnermen sheberlik baıqassa, Jansaıa reseılik Aleksandra Gorıachkınamen kezdesedi.
Eske salsaq, budan buryn qazaqstandyq qos shahmatshynyń jetinshi týrdaǵy oıyn nátıjesin habarlaǵan edik.
Foto: fide.com