Feık: «Jelide ushaqtar shashatyn omıkron shtamy bar hımıkattyń sýreti jarııalandy»

NUR-SULTAN. QazAqparat - Messendjerlerde SARS-CoV-2 vırýsynyń omıkron nusqasyn ushaqtardan ádeıi shashatynyn dáleldeıtin fotosýret taratylýda. Habarlamaǵa Omicron jazýy bar qaptardyń sýreti tirkelgen. Ol Chehııada áýejaılardyń biriniń erekshe qorǵalatyn qoımasynda túsirilgen eken. Munyń barlyǵy jalǵan aqparat, dep habarlaıdy stopfake.kz.

Bul fotosýrettiń COVID-19 pandemııasyna, SARS-CoV-2 koronavırýsyna jáne onyń nusqalaryna eshqandaı qatysy joq. Sýrette kórsetilgen qaptardaǵy zat – ıtalııalyq Omicron kompanııasy shyǵaratyn polıpropılen qospasy.
Kásiporyn ónerkásipte qoldanylatyn polıpropılen jáne polıamıd qospalaryn shyǵarady. Atap aıtqanda, olar plastıkalyq qubyrlar, turmystyq buıymdar, jıhaz, keńse jabdyqtary jáne t.b. zattar óndirisinde qoldanylady. Kompanııa medıtsınalyq buıymdar men dári-dármekter shyǵarmaıdy.
Omicron kompanııasy naryqta 45 jyldan astam ýaqyt boıy jumys istep keledi jáne onyń COVID-19 pandemııasyna eshqandaı qatysy joq.
Adamdardy ýlaý úshin ushaqtar túrli hımıkattar shashatyny týraly teorııa hımtreılder teorııasy dep atalady jáne konspırologııalyq bolyp tabylady. Bul týraly biz jazǵan bolatynbyz.
Múldem dáleldenbegenine qaramastan, ol 2021 jyly qazaqstandyqtar arasynda eń kóp taraǵan konspırologııalyq teorııalardyń biri bolyp tabylady.