Feık: Jańaózen 2025 jylǵa deıin karantındik aımaq bolady

ASTANA. QazAqparat - Áleýmettik jeliler men messendjerlerde Jańaózen qalasy 2025 jylǵa deıin karantındik aımaq bolyp jarııalanǵany týraly aqparat tarady. Budan bylaı adamdarǵa kirý úshin arnaıy ruqsat qajet. Bul shyndyqqa janaspaıdy, dep habarlaıdy stopfake.kz.

Bul aqparattyń kózi – Instagram-daǵy QazNews24 satıralyq akkaýnty.

Bul paraqshada oıdan shyǵarylǵan jańalyqtar jarııalanady. Shynaıy habarlamalar joq.

Mańǵystaý oblysy ákimdiginiń resmı saıtynda Jańaózen aýmaǵynda karantındik shekteýler engizý týraly aqparat joq. Mundaı habarlamalar qalanyń saıtynda da shyqpaǵan.
Sondaı-aq BAQ ta Jańaózenniń 2025 jylǵa deıin karantındik aımaqta bolatyny týraly aqparat taratpaǵan.

«Demek, bul – feık aqparat, oǵan senbegen jón»,-delingen habarlamada.