Feık: «PTR testileri COVID-19 dıagnozyn qoıýǵa jaramsyz»

NUR-SULTAN. QazAqparat – Tanymal Telegram chattardyń birinde PTR testileri COVID-19 dıagnozyn qoıýǵa jaramsyz, óıtkeni olar jalǵan oń nátıje kóp beredi degen aqparat tarady. Bul olaı emes, dep jazady stopfake.kz.

PTR testileý ádisi belgili bir DNQ nemese RNQ fragmentterin anyqtaýǵa jáne olardyń kóp márte replıkatsııasyna negizdelgen. ıAǵnı, osy ádisti qoldana otyryp, alynǵan úlgide patogen mólsheri óte tómen bolsa da, aýrýdy dıagnostıkalaýǵa bolady.

PTR taldaýy 1980 jyldardan beri qoldanylyp keledi. Onyń kómegimen gepatıt, jynystyq jolmen beriletin aýrýlar jáne t.b. ártúrli aýrýlar dıagnozy qoıylady. PTR taldaýyn ákelikti anyqtaý úshin de qoldanýǵa bolady.

Testtiń bul túri patogenderdi, sonyń ishinde Sars-CoV-2 vırýsyn dál anyqtaıdy.

Bul ádisti oılap tapqan Kerrı Mýllıs PTR taldaýy COVID-19 úshin paıdasyz dep múldem aıtpaǵan. Birinshiden, ǵalym COVID-19 pandemııasy bastalǵanǵa deıin qaıtys boldy, ıaǵnı tiri kezinde bul týraly aıtpaǵan. Ekinshiden, covid-dıssıdentter keńinen qoldanatyn onyń «PTR-diń paıdasyzdyǵy» týraly dáıeksózi is júzinde konteksten úzip alynǵan jáne AITV taqyrybyna qatysty bolǵan. Kerrı Mýllıs pen onyń málimdemesi týraly biz buǵan deıin aıtqan bolatynbyz.

Taratylǵan aqparatta keltirilgen AQSh aýrýlardy baqylaý jáne aldyn alý ortalyǵynyń (CDC) PTR testiniń belsendi ınfektsııany anyqtaı almaıtyndyǵyn moıyndaǵany týraly tezıs – ótirik. Ol CDC saıtynda 2021 jylǵy 21 maýsymda jarııalanǵan qujatqa negizdelgen. Onda pandemııanyń basynda jasalǵan 2019-nCoV RT-PCR synaqtaryn qoldanýdan bas tartý jáne PTR ádisin qoldanatyn basqa da zamanaýı test júıelerine kóshý usynylady.

Bul týraly myna jerden oqı alasyzdar.