Feık: «Pfizer kompanııasynyń paıymdaýynsha týrbo qaterli isik búkil álemge taralady»

<p>Telegram-da AQSh-tyń Pfizer kompanııasy týrbo qaterli isiktiń búkil álemge taralatynyna 43 mıllıard dollar bás tikti degen aqparat talqylanýda. Bul shyndyqqa sáıkes kelmeıtin burmalanǵan aqparat, dep jazady <a href="https://stopfake.kz/kk/archives/21506" target="_blank" rel="noopener">stopfake.kz</a>.&nbsp;</p>

2023 jyldyń naýryzynda farmatsevtıkalyq alpaýyt Pfizer qaterli isikke qarsy dári-dármek óndiretin Seagen kompanııasyn satyp alatynyn jarııa etti. Kelisim somasy 43 mlrd dollar boldy. Nátıjesinde Pfizer2-niń qaramaǵyna FDA – amerıkalyq azyq-túlik jáne dári-dármek sapasyn baqylaý basqarmasy maquldaǵan tórt onkologııalyq preparat ótedi.

Jarııalanymda Seagen týrbo qaterli isikti emdeýge arnalǵan dári-dármekter shyǵardy delingen.

Bul — jalǵan aqparat, bıotehnologııalyq kompanııa oıdan shyǵarylǵan aýrýǵa qarsy dárini múlde shyǵarǵan emes. Seagen qýyq qaterli isigine qarsy Padcev, sút bezi qaterli isigimen kúresetin Tuksya, Hodjkın lımfomasyn emdeýge arnalǵan Adcetris sııaqty targettik terapııa preparattaryn shyǵarady. Esesine, bul antıdene-preparat konıýgaty nemese ADC dep atalatyn dárilerdiń jańa toby.

Qaterli isikke qarsy qural isikke tikeleı jetkiziledi jáne aınalasyndaǵy tinderge zııan keltirmeıdi.

«Týrborak» týraly 2022 jyly aıtyla bastady. Bul termındi alǵash ret kanadalyq dáriger Charlz Hoffe qoldanǵan. Onyń pikirinshe, bul qaterli isik COVID-19 qarsy mRNQ vaktsınasyn egýden keıin damıdy. Kanadalyq dárigerdiń sóziniń durystyǵyn rastaıtyn birde-bir ǵylymı zertteý joq. Álemde týrbo qaterli isiktiń birde-bir jaǵdaıy tirkelmegen. AQSh-tyń jetekshi Sloan-Ketterıng klınıkasy koronavırýsqa qarsy vaktsınalar qaterli isik aýrýyn týdyrýy múmkin degen pikir mıf dep sanaıdy.

Demek, taralǵan aqparat jalǵan. Pfizer týrbo qaterli isik búkil álemge qaýip tóndiretini boıynsha bás tikpegen. Onyń ústine, bulaı atalatyn aýrý joq.