Feık: Qazaqstandyq joǵary oqý oryndarynyń dıplomy Reseıde jaramsyz
Messendjerler men áleýmettik jelilerde qazaqstandyq úlgidegi dıplom Reseı Federatsııasy aýmaǵynda jaramaıdy degen aqparat tarady.
Óz kezeginde QR Bilim jáne ǵylym mınıstrligi osy aqparatqa qatysty jaǵdaıdy túsindirdi.
«Qazaqstannyń joǵary oqý oryndarynyń memlekettik jáne jeke úlgidegi dıplomdary halyqaralyq standarttarǵa sáıkes keledi. Jeke úlgidegi dıplomdar otandyq joǵary oqý oryndary arasyndaǵy básekelestikti jáne bilim berý qyzmetteriniń sapasyn arttyrýǵa múmkindik beredi», - dedi atalǵan mınıstrliktiń baspasóz hatshysy Móldir Ábdýalıeva.
Sondaı-aq, vedomstvodan Qazaqstan men Reseı arasynda joǵary bilim berýge qatysty Lıssabon konventsııasy aıasynda ózara biliktilikterdi moıyndaý qarastyrylǵandyǵy aıtyldy.
Odan bólek, mınıstrlik Qazaqstan Bolon deklaratsııasynyń múshesi jáne eýropalyq bilim berý keńistiginiń tolyq quqyqty qatysýshysy bolǵan Ortalyq Azııadaǵy alǵashqy el ekendigin eske saldy.
ıAǵnı Qazaqstan Respýblıkasynda beriletin dıplomdardy Eýropalyq biliktilik sheńberindegi deńgeılermen salystyrýǵa bolady.
«Qazan aıynda TMD Bilim salasyndaǵy yntymaqtastyq keńesine qatysýshy elder QR Bilim jáne ǵylym mınıstrliginiń joǵary bilim salasyndaǵy jumysy men jańashyldyqtaryna oń baǵa berdi. Mysaly, akademııalyq adaldyqty qamtamasyz etý úshin jańa bilim berý baǵdarlamalaryn, zańnamalyq normalardy engizý jáne taǵy sol sııaqty. Sondaı-aq, mınıstrlik sapasyz bilim berý qyzmetterin kórsetetin joǵary oqý oryndaryn jabý úshin teńdessiz jumys júrgizýde», – dep atap ótti M. Ábdýalıeva.
https://stopfake.kz/kk/archives/9469