Feık: 2022 jylǵy maımyl shesheginiń órshýine COVID-19 qarsy vaktsınasy áser etken

ASTANA. QazAqparat - Instagram 2022 jyly maımyl shesheginiń órshýi COVID-19 qarsy vaktsınalardan boldy dep jazýda.

Onda,y málimetterge qaraǵanda, AstraZeneca shyǵarǵan preparatta maımyl sheshegin týdyratyn shımpanze adenovırýsy bar. Bul jalǵan, dep habarlaıdy QazAqparat stopfake.kz saıtyna silteme jasap.

AstraZeneca-nyń COVID-19 qarsy vaktsınasynda shımpanze adenovırýsynyń vırýstyq vektory bar. Biraq bul tolyq patogen emes, onyń bir ǵana bóligi, ol adamǵa eshteńe juqtyrmaıdy jáne aǵzada kóbeımeıdi. Sonymen qatar adenovırýstar sheshek emes, salqyn tıgennen bolatyn aýrýlardy týdyrady.

Maımyl sheshegi aýrýy maımyl sheshek vırýsynan bolady. Adamzat ol jaıly 1958 jyldan beri biledi. Osy ýaqyt ishinde ǵalymdar patogendi jaqsy zerttep, bul vırýstyń tıimdi profılaktıkasy sheshekke qarsy vaktsına ekenin anyqtady.

2022 jyly álemde maımyl sheshegi aýrýynyń taralýy tirkeldi.

Aıta keterlik jaıt, aýrý juqtyrǵandar AstraZeneca vaktsınasy tirkelmegen elderde de boldy. Mysaly, Shveıtsarııa men Venesýelada bul preparat qoldanylmaǵan, biraq adamdar maımyl sheshegimen aýyrǵan.

Demek, COVID-19 qarsy vaktsınalardyń 2022 jyly taralǵan maımyl shesheginiń órshýine qatysy joq.